AFFA-nın keçmiş baş katibi vəfat etdi
23.03.2025 , 23:20
AFFA-nın sabiq baş katibi, futbol veteranı Çingiz İsmayılov vəfat edib.
Korner.az xəbər verir ki, 89 yaşında dünyasını dəyişən mərhum sabah dəfn olunacaq.
Qeyd edək ki, Ç. İsmayılov 1935-ci ildə Bakıda doğulub. O, 1955-1962-ci illərdə “Neftçi”nin şərəfini qoruyub.
Bundan başqa, futbolçu Bakının və Gəncənin “Dinamo”, habelə “Neft daşları” komandalarında çıxış edib. 1994-cü ildə AFFA-nın baş katibi seçilib. 9 il ölkənin ali futbol qurumunda çalışıb.
O, 2022-ci ildə “Tərəqqi” medalı ilə təltif edilib.
