İntizam Komitəsinin 22 dekabr qərarına əsasən, “Qaradağ Lökbatan” – “Ağsu” matçında ev sahibi komandanın məşqçisi Arif Rizvanov texniki zona qaydaların pozduğuna görə 1 oyunluq cəzalanmışdı.
Korner.az-ın məlumatına görə, oyunun protokoluna səhvən “Qaradağ Lökbatan” klubunun məşqçisi Araz Əliyevin əvəzinə “Ağsu” klubunun məşqçisi Arif Rizvanovun adı qeyd olunmuşdur.
Daxil olan yeni faktlara və hakimin raportuna əsasən İntizam Komitəsi bu məsələyə yenidən qayıdaraq aşağıdakı qərarı qəbul edir:
18 dekabr 2015-ci il, 2015/2016 mövsümündə, I Divizionun XIII turunun “Qaradağ Lökbatan” – “Ağsu” matçının 90-cı dəqiqəsində “Qaradağ Lökbatan” klubunun məşqçisi Araz Əliyevin texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanır, klub 100 manat cərimə olunur.
