AFFA-nın baş katibi Parisdə Elxan Məmmədovla görüşdü
09.04.2025 , 18:40
AFFA-nın baş katibi Cahangir Fərəcullayev Fransada işgüzar səfərdə olub.
Korner.az xəbər verir ki, bu barədə qurumun mətbuat xidməti məlumat yayıb.
C.Fərəcullayev FIFA-nın Parisdə yerləşən ofisində bir sıra görüşlər keçirib. O, tanışlıq çərçivəsində ali futbol qurumunun Avropa üzrə regional direktoru, AFFA-nın sabiq baş katibi Elxan Məmmədov, Regional koordinatoru Marion Gavat, həmçinin FIFA-nın bəzi departament rəhbərləri ilə görüşüb.
Görüşlərdə ölkəmizdə futbolun inkişafı üzrə əməkdaşlıq imkanları, kütləviliyin və futbola marağın artırılması məsələləri müzakirə olunub.
Eyni zamanda baş katibə FIFA-nın müxtəlif proqramları haqqında məlumat verilib.
