AFFA-nın baş katibi Elxan Məmmədov Korner.az-a verdiyi müsahibədə milli komandamızın Şimali İrlandiya ilə oyunu və milli çempionat haqda danışıb.
– Milli komandamızın Belfastdakı 2 xal itkisini necə dəyərləndirərdiz. Ümumilikdə bu oyunla bağlı siz nə deyərdiz?
Siz çox gözəl qeyd etdiniz ki, 2 xal itirdik, 1 xal qazanmadıq. Siz tam optimistsiniz. Belfastda qalib gələ bilərdik lakin son dəqiqələrdə buaxdığımız qolla heç-heçə qeydə alındı. Komanda yaxşı oyun nümayiş etdirdi. Rəqib sıradan bir komanda deyildi. Onlar da, öz meydanında qələbə qazanmaq istəyirdi. Lakin biz qələbəyə daha yaxın olan tərəf idik.
– Sizcə, qələbəni qoruyub saxlaya bilməməyimizinn səbəbi nə oldu? Futbolçularımızın yorğunluqu yoxsa, taktiki gediş?
Bu sualı yaxşı olar ki, Berti Foqtsa verəsiz. Ancaq meydan sahiblərinin də, artan təziqini unutmamalıyıq. Onlar öz azarkeşləri qarşısında qələbə qazanmaq istəyirdilər. Amma 2 xal itirən tərəf biz olduq. İnanıram ki, bu uğurun davamı gələcək. İki güclü yığma, İsrail millisi ilə evdə, Şimali İrlandiya ilə səfərdə 1 xal qazanmışıq. İnkişaf göz qabağındadı.
– Belə bir fikirlər səslənir ki, Şimali İlandiya ilə heç-heçəyə və bundan öncəki Rusiya məğlubiyyətinə futbolçulara pul mükafatı verilib. Bu iddialar nə dərəcədə doğrudu?
Bunlar yanlış məlumatlardı. Hələ futbolçulara pul mükafatlarını verməmişik. Məbləğə gəlincə isə, bunu açıqlaya bilmərəm.
– AFFA millimiz məğlub olarkən futbolçulara hər hansı bir pul mükafatı verirmi?
Xeyr. Məğlubiyyətə pul mükafatı vermirik.
– Premyer Liqanın səviyyəsi baş katib kimi sizi qane edirmi?
Bəli, qane edir. Bu gün Azərbaycan çempionu "Neftçi" Avroliqanın qrup mərhələsində oynayır. Bu özü bir uğurdur. Deməli bizim Premyer Liqa, bizim futbolumuz inkişaf edir ki, klubumuz Avroliqanın qrupunda oynayır. Bir amil məyusedicidir ki, "Neftçi"nin "Rubin"lə oyununda cəmi 18 min azarkeş komandamızı dəstəkləyirdi. Avroliqanın qrup oyunlarının bayramı Azərbaycana gəlib ancaq cəmisi 18 min azarkeş oyunu izlədi. Mətbuat bu sahədə təbliğatını daha da, artırmalıdı. Bu gün ümumilikdə Topaz Premyer Liqasında inkişaf günü-gündən inkişaf edir. Mən sizə səmimi deyirəm ki son 3-4 il də, sürət də, artıb. Klublar inkişaf edən də, milli inkişaf edir.
Səxavət QURBANOV
