AFFA-nın baş katibi Elxan Məmmədov Topaz Premyer Liqasının 4-cü turu çərçivəsində keçirilən Xəzər Lənkəran oyunundan sonra baş verənləri şərh edib.
Korner.az-ın məlumatına görə, ANS TV-də çıxış edən baş katib bildirib ki, oyun maraqlı keçib.
“Kubokun finalından sonra yaranan qalmaqalın bu oyuna sirayət etməsi təəssüf doğurur. Lənkəran azarkeşlərinin özünəməxsus futbol mədəniyyəti var. Təəssüf ki, bəzi qüvvələr provakasiya yaratmağa çalışdılar. Stadiona partlayıcı maddələr keçirə bilmişdilər. Belə çıxır ki, həmin adamlar oyuna ona görə gəlmişdilər ki, təxribat törətsinlər” – deyən Elxan Məmmədov klublar qarşısında yeni tələbin qoyulacağını söyləyib: “Klublar qarşısında tələb qoymaq istəyirik ki, azarkeşlərlə işləyən menecerləri olsun”.
Baş katib onu da qeyd edib ki, bu cür hallar yenidən baş verərsə, oyunların azarkeşsiz keçirilməsi gündəmə gətirilə bilər: “Əlbəttə, bui bunu istəmirik. Biz istəyirik ki, stadionlara azarkeşlər gəlsin. Ancaq belə hallar təkrarlansa, qonaq komandaların azarkeşlərinin stadionlara buraxılmaması gündəmə gələcək.
