Bu gün AFFA İntizam Komitəsinin iclası baş tutub.
Korner.az-ın PFL-in rəsmi saytına istinadən verdiyi məlumata görə, iclasda Azərbaycan kubokunda “Qəbələ” – “Neftçi” final oyununda baş verən qayda pozuntuları ilə bağlı müvafiq qərar verilib.
Azərbaycan kubokunun “Qəbələ” – “Neftçi” final matçında hər iki klubun 4 futbolçusu sarı vərəqə ilə cəzalandığı üçün komandalar 1000 manat cərimə olunub.
Oyunun 90-cı dəqiqəsində “Neftçi” klubunun məşqçisi Bəxtiyar Musayev texniki zona qaydalarından kənara çıxdığına görə meydançadan uzaqlaşdırıldığı üçün 1 oyunluq cəzalanıb, klub 1000 manat cərimələnib.
Oyunun 104-cü dəqiqəsində “Qəbələ” klubunun azarkeşləri tərəfindən meydançaya kənar əşyalar atıldığı üçün kluba 2000 manat cəza kəsilib.
