AFFA bu klubları cəzalandırdı
08.12.2020 , 16:13
Bu gün AFFA İntizam Komitəsinin növbəti iclası keçirilib.
Korner.az xəbər verir ki, iclasda Azərbaycan I Divizonunun X turu ilə bağlı qərarlar verilib.
I Divizionun VIII turunun “Keşlə-2” – MOİK oyununda meydan sahibi klub AFFA nümayəndəsinin əsasnamə və qaydalara uyğun verdiyi göstərişlərini (avtomaşınların parklanması və mühafizəsinin təşkil olunması) yerinə yetirmədiyi üçün 80 manat cərimə olunub. “Keşlə-2” eyni zamanda 4 futbolçusu sarı vərəqə ilə cəzalandığı üçün 80 manat cərimə olunub.
VIII turun “Kəpəz” – “Qarabağ-2” oyununda oyun öncəsi təcili yardım nümayəndəsi təyin olunan vaxtda (yeni təlimata görə oyunun başlamağına ən geci 45 dəqiqə qalmış) iclasda iştirak etmədiyi üçün meydan sahibi klub 40 manat cərimə olunub. Gəncə klubu bir o qədər də məbləği oyun öncəsi polis nümayəndəsi təyin olunan vaxtda iclasda iştirak etmədiyi üçün ödəməli olacaq. “Kəpəz” 4 futbolçusu sarı vərəqə ilə cəzalandığı üçün isə 80 manat cərimə olunub.
“Qarabağ-2”nin 5 futbolçusu sarı vərəqə ilə cəzalandığı üçün klub 80 manat cərimə olunub.
VIII turun “Sumqayıt-2” – “Zaqatala” oyununda təcili tibbi yardım vaxtında gəlmədiyi üçün matç gec başlandığına görə meydan sahibi klub 160 manat cərimə olunub.
VIII turun “Neftçi-2” – “Turan Tovuz” oyununda “Neftçi-2” klubunun 4 futbolçusu sarı vərəqə ilə cəzalandığı üçün klub 80 manat cərimə olunub.
VIII turun “Qaradağ Lökbatan” – “Sabah-2” oyununda “Sabah-2” klubunun 5 futbolçusu sarı vərəqə ilə cəzalandığı üçün klub 80 manat cərimə olunub.
