AFFA bu klubları cərimələdi
27.05.2025 , 13:45
Bu gün AFFA İntizam Komitəsinin iclası keçirilib.
Korner.az xəbər verir ki, iclasda Misli Premyer Liqasının cari mövsümünün son – 36-cı turundakı qayda pozuntuları ilə bağlı qərarlar qəbul edilib.
Bildirilib ki, “Sabah” – “Neftçi” oyununun 50-ci dəqiqəsində “Sabah”ın 4 nömrəli futbolçusu Sofian Çakla ciddi qayda pozuntusuna görə birbaşa qırmızı vərəqə aldığı üçün 2 oyun cəzalandırılıb. Onun klubu 1500 manat cərimələnib.
Həmin matçın 76-cı dəqiqəsində “Neftçi”nin 14 nömrəli futbolçusu Edvin Kuç rəqibi aşkar qol imkanından məhrum etdiyinə görə birbaşa qırmızı vərəqə aldığı üçün 1 oyun cəzalandırılıb, klubu 1000 manat cərimə edilib.
“Turan Tovuz” – “Kəpəz” görüşünün fasiləsində meydançaya kənar şəxslər daxil olduğuna görə Tovuz təmsilçisi 800 manat cərimələnib..
