AFFA “Neftçi”nin oyunçusunu cəzalandırdı
07.05.2025 , 12:30
Bu gün AFFA İntizam Komitəsinin iclası keçirilib.
Korner.az xəbər verir ki, iclasda Misli Premyer Liqasının 33-cü turundakı qayda pozuntuları ilə bağlı qərarlar qəbul edilib:
“Zirə” – “Turan Tovuz” oyununun 59-cu dəqiqəsində “Zirə”nin 32 nömrəli futbolçusu Qismət Alıyev ciddi qayda pozuntusuna görə birbaşa qırmızı vərəqə aldığı üçün 2 oyun cəzalandırılıb, klubu 1500 manat cərimələnib.
“Zirə” – “Turan Tovuz” matçında “Turan Tovuz” klubunun 4 futbolçusu sarı vərəqə aldığı üçün klub 700 manat cərimə edilib.
“Araz-Naxçıvan” – “Sabah” oyununda “Sabah”dan 4 nəfər sarı vərəqə aldığı üçün paytaxt təmsilçisi 700 manat cərimələnib.
“Neftçi” – “Kəpəz” görüşünün 70-ci dəqiqəsində “Neftçi”nin 4 nömrəli futbolçusu Elvin Camalov ciddi qayda pozuntusuna görə birbaşa qırmızı vərəqə aldığı üçün 2 oyun cəzalanıb, klubu 1500 manat cərimələnib.
