AFFA bu kluba texniki məğlubiyyət verdi
26.12.2024 , 13:00
AFFA Birinci Liqada yarışan kluba texniki məğlubiyyət verib.
Korner.az xəbər verir ki, bu barədə qurumun İntizam Komitəsinin bu gün çıxardığı qərarda bildirilib.
Qeyd olunub ki, dekabrın 24-ü Birinci Liqada 11-ci turun “Difai” – MOİK oyununun 90+3-cü dəqiqəsində “Difai” komandasının heyətində adı matçın protokolunda olmayan 10 nömrəli futbolçu Tahir Zeynalov oyuna daxil olub.
Bu səbəbdən “Difai” komandasına 0:3 hesablı texniki məğlubiyyət verilib. Klub 400 manat cərimə edilib.
Texniki məğlubiyyətlə yanaşı, “Difai”nin iki futbolçusu da cəzalandırılıb. 73-cü dəqiqədə Seymur Əliyev ciddi qayda pozuntusuna görə birbaşa qırmızı vərəqə aldığı üçün 2 oyunluq diskvalifikasiya olunub. Bəşir Ayralov isə 63-cü dqiqədə ikinci sarıdan qırmızı vərəqə aldığına görə 1 oyun cəzalanıb. “Difai” həmçinin bu futbolçulara görə ümumilikdə 200 manat cərimələnib.
Sözügedən matçda MOİK 1:0 hesablı qələbə qazanıb.
