AFFA “Böyük oyun”da “Xəzər Lənkəran”a dəymiş ziyanı “Neftçi”yə ödətdirir

Bu gün AFFA İntizam Komitəsinin növbəti iclası keçirilib.

Korner.az-ın məlumatına görə, Topaz Premyer Liqasının XVII turunun “Xəzər Lənkəran” – “Neftçi” matçında “Neftçi” klubunun 4, “Xəzər Lənkəran” klubunun 5 futbolçusu sarı vərəqə ilə cəzalandığı üçün hər iki klub 1000 manat cərimə olunur.

Oyunun 84-cü dəqiqəsində “Xəzər Lənkəran” klubunun azarkeşləri tərəfindən meydançaya kənar əşya atıldığı üçün klub 2000 manat cərimə olunur.

Matçın fasiləsi zamanı hər iki klubunun azarkeşləri tərəfindən oturacaqlar sındırılmışdır. Bu səbəbdən də “Neftçi” klubu “Xəzər Lənkəran” klubunun dəymiş ziyana əsasən təqdim edəcəyi hesaba uyğun olaraq ödəmə etsin.