AFFA 2-ci liqa klubunun şikayətini qismən təmin etdi
11.03.2025 , 17:58
Azərbaycanın 2-ci liqa təmsilçisi “Hypers Quba” klubu tərəfindən verilən apellyasiya şikayəti qismən təmin edilib.
Korner.az xəbər verir ki, bu barədə AFFA-nın saytı məlumat yayıb.
İntizam Komitəsinin Ruslan Qurbanov barəsində tətbiq etdiyi 4 oyunluq cəzanın çəkilməmiş hissəsi, yəni 2 oyunluq cəzanın şərti olaraq tətbiq edilməsinə qərar verilib.
Futbolçuya üç aylıq sınaq müddəti təyin edilib. Sınaq müddətinin başlanğıcı 06 mart 2025-ci il tarixdən etibarən hesablanacaq. Quba təmsilçisinin 300 manatlı cərimə olunması ilə bağlı qərar isə qüvvədə saxlanılıb.
Xatırladaq ki, Azərbaycan millisinin sabiq üzvü 14-cü turda “Şəmkir”lə matçda hakimi təhqir etdiyi üçün 4 oyunluq cəzalanmışdı.
