“Mənə elə gəlir ki, bugün çətin 90 dəqiqə yaşadıq. Bacardığımızı göstərdik. Layiqli qələbə qazandıq”.
Korner.az-ın məlumatına görə, bu sözləri “Admira”nın baş məşqçisi Oliver Lederer deyib.
Avstriya klubu Bakıda “Kəpəz”i 2:0 hesabı ilə məğlub etməklə Avroliqanın III təsnifat mərhələsinə yüksəlib.
Matçdan sonra keçirilən mətbuat konfransında “Admira”nın çalışdırıcısı “Kəpəz”in bugünkü oyunundan təəccübləndiyini bildirib:
“Məni təəccübləndirən o oldu ki, hələ də eyni sistemlə oynayırlar. Axıra yaxın hücum etdilər. Ayrılıqda kimisə fərqləndirmək istəmirəm bütün komanda birgə oynayırdı. “Libereç” Avroliqanın qrup mərhələsində çıxış edib. Onların gücü bəllidir. Amma öncə fikrimiz öz çempionatımızda olacaq.
Qonaqpərvərliyinizə görə bir daha təşəkkür edirəm. Nə vaxtsa püşkdə yenə qarşı-qarşıya gəlsək sevə-sevə Bakıya gələcəm”.
