Ötən mövsümün ən yaxşı yarımmüdafiəçisi seçilən "Xəzər Lənkəran"ın futbolçusu Adrian Pit Premyer Liqada çox səviyyəli, peşəkar futbolçular çıxış etdiyini bildirib.
Korner.az-ın məlumatına görə, rumıniyalı futbolçu hal-hazırkı durumlarından da danışıb:
"Ən yaxşı yarımmüdafiəçi seçildiyim üçün xoşbəxtəm. Bu ğurun ardını gətirməyə çalışacağıq. Buna qədər Lənkəranda yalnız bir oyun keçirmişik, “Kəpəz”ə qarşı oyunda qalib gəlmişik. Digər oyunlarımızı səfərdə oynamışıq. Lakin bundan sonra bütün ev oyunlarımızı Lənkəranda keçirəcəyik və bizim üçün burada, doğma azarkeşlərimiz önündə oynamaq çox önəmlidir.
Ötən mövsüm “Neftçi”nin heyətində Flavinyo və “Qəbələ”nin hücumçusu Dodonun çox yaxşı çıxış etdiklərini düşünürəm. Premyer Liqada, həqiqətən də, çox səviyyəli, peşəkar futbolçular çıxış edir. Ötən mövsüm “Xəzər Lənkəran”ın şərəfini qoruyan Emeka Opara da çox yaxşı futbolçu idi. “Neftçi”nin yarımmüdafiəçisi Julius Vobayın da çıxışı çox xoşuma gəlir".
