“Gəncədə oynamaq hər zaman çətindir. “Kəpəz” həqiqətən böyük komandadır. 11 metrlik zərbə planlarımıza daxil deyildi. Bu gün oyunumuz alınmadı”.
Korner.az-ın məlumatına görə, bu sözləri “Zirə”nin baş məşqçisi Adil Şükürov Topaz Premyer Liqanın 27-ci turunda “Kəpəz”ə uduzduqları oyundan sonra (0:2) “CBC Sport” kanalına açıqlamasında deyib.
A.Şükürov məğlubiyyətə baxmayaraq, komandasının sonadək mübarizə apardığını bildirib: “Məğlub olsaq da, komandam sonadək mübarizə apardı. Penalti epizoduna gəlincə, düşünürəm ki, hakimin düzgün qərar verdi. Həmin epizodda cərimə meydançasında rəqibə toxunuş vardı. Bundan sonra bütün gücümüzü hücuma qoyduq, nəticədə qapımızda ikinci topu gördük”.
