Çempionlar Liqasının qrup mərhələsinin II turunda sabah “Qarabağ”ın qonağı olacaq “Roma”nın futbolçusu Stefan El Şaaravi bu görüşlə bağlı açıqlama verib. İtaliyalı futbolçu Ağdam klubunu yaxşı tanıdıqlarını və onları asan oyun gözləmədiyini bildiklərini söyləyib:
“Monako”nun heyətində “Qarabağ”a qarşı oynamışam. Rəqibimizi çox yaxşı tanıyıram. Bakıda bizi çox çətin qarşılaşma gözləyir. Hamımız bilirik ki, asan oyun olmayacaq. Düşünmək olar ki, “Qarabağ” fiziki cəhətdən zəifdi. Amma azarkeşlərin yaratdığı atmosfer rəqibə müsbət təsir edəcək. Bu oyuna yaxşı köklənməliyik. Əks halda acınacaqlı nəticəylə üzləşə bilərik. “Udineze” üzərindəki qələbədən sonra əhval-ruhiyyə yaxşıdır.
