Abbasovun 200-cü oyunu
21.09.2020 , 16:06
Azərbaycan Premyer Liqasının III turu “Səbail”in futbolçusu Urfan Abbasov üçün əlamətdar olub.
Korner.az xəbər verir ki, meydana kapitan kimi çıxan 28 yaşlı müdafiəçi ölkə çempionatında 200-cü matçını keçirib.
Yubiley “Sumqayıt”la səfər görüşünə (1:2) təsadüf edib. Premyer Liqada 2011/12 mövsümündə debüt edən Urfan indiyədək “Qəbələ” və “Səbail”in heyətində forma geyinib. O, 200 oyunda 3 qol vurub.
Qeyd edək ki, Abbasov Azərbaycan çempionatları tarixində 200 və daha çox oyun keçirən 132-ci futbolçudur.
