"Bizi qarşıda iki çətin oyun gözləyir. Portuqaliya hər zaman favorit komandalardan olub. Qrupda lider olmaq üçün bu komandaya qalib gəlməliyik. Rəqibin heyətində ulduz futbolçular var və bunun məsuliyyətini başa düşürük. Ancaq bizim də pis kollektivimiz yoxdur".
Korner.az-ın məlumatına görə, bu sözləri Rusiya millisinin futbolçusu Aleksandr Anyukov deyib.
Oktyabrın 16-da DÇ-2014-ün seçmə qrup mərhələsinin növbəti oyunu çərçivəsində millimiz ilə qarşılaşacaq şimal qonşularımız bu və Portuqaliya oyunlarına ciddi hazırlaşır:
"Portuqaliyanı məğlub etsək, Azərbaycan önündə də yüksək motivasiya ilə çıxacağıq. Düzdür, bu komandanı portuqallarla müqayisə etmək olmaz. Ancaq istənilən halda rəqibə ciddi yanaşıb meydançadan 3 xalla ayrılmaq lazımdır. Başqa nəticə haqda düşünmək belə istəmirəm. Rusiya Azərbaycanı məğlub edə bilmirsə, dünya çempionatına necə gedəcək?”.