Millimiz Rusiyaya yollanır
17.08.2018 , 19:52
Avqustun 18-də Rusiyanın Qroznı şəhərində start götürəcək kişi boksçular arasında beynəlxalq turnirdə iştirak edəcək Azərbaycan millisinin heyəti açıqlanıb.
Əhməd Hacı Kadırovun xatirəsinə həsr olunan sayca 10-cu yarışda ölkəni 10 idmançı təmsil edəcək.
Yığmanın heyətində Qoşqar Səfərli (52 kq), Sərxan Əliyev (60 kq), Fərid Ağamoğlanov, Elvin İsayev, Niyaməddin Allahverdiyev (hər üçü 64 kq), Nicat Məmmədov (69 kq), İsmayıl Hüseynov (75 kq), Tural Həsənov, Rahil Məmmədli (hər ikisi 91 kq) və Məhəmməd Abdullayev (+91 kq) yer alıb.
Qeyd edək ki, milli səfərə bu gün yola düşəcək. Yarış avqustun 24-dək davam edəcək.
