"İnter" klubunun kapitanı Xavyer Zanetti "Football İtalia"ya müsahibəsində gələcək karyerası haqda danışıb.
Korner.az– ın məlumatına görə, 39 yaşlı futbolçu hələ də oynamaq gücündə olduğunu bildirib:
"Hələlik gələcək karyeram haqda dəqiq söz deyə bilmərəm. Ümid edirəm ki, bu mövsüm komandamla hansısa bir titul qazanacağam. Bundan sonra rəhbərliklə danışacağam və yekun qərarımı verəcəyəm. Ancaq düşünürəm ki, hələ də oynamaq gücündəyəm. Çünki fiziki cəhətdən yaxşı formadayam. Əlbəttə, bilirəm ki, yaxın zamanda karyeramı bitirəcəyəm və bunu sakit qarşılayıram.
Qeyd edək ki, 1995-ci ildən "İnter"in şərəfini qoruyan Zanetti keçirdiyi 576 oyunda 12 qola imza atıb.
