Türkiyə Super Liqasının debütantı “Göztəpə” növbəti transferini rəsmiləşdirib.
İzmir təmsilçisi İsveçin “Bazel” klubunda forma geyinən Adama Traoreni heyətinə qatıb. Bu barədə klubun rəsmi saytı məlumat yayıb. 27 yaşlı sol cinah müdafiəçisi yeni klubu ilə 2 illik müqaviləyə imza atıb.
Fil Dişi Sahilindən olan futbolçu peşəkar karyerasına məhz ölkəsinin “EF Yeo Martial” komandasında başlayıb. Daha sonra o, Avstraliyada “Qold Koast Yunayted”, “Melburn Viktori”, Portuqaliyada “Vitoriya” komandalarının da şərəfini qoruyub. Fil Dişi Sahili yığmasında da oynamış müdafiəçi “Bazel”də 2015-ci ildən çıxış edirdi.
