Atletiko”nun futbolçusuna silahlı hücum

İspaniya La Liqasında mübarizə aparan “Atletiko”nun (Madrid) futbolçusu Koke silahlı hücuma məruz qalıb.

Korner.az-ın məlumatına görə, oyunçu avtomobilini park etmək üçün bilet alan zaman silahlı şəxs onun 70 min avroluq saatını qəsb edib.

25 yaşlı yarımmüdafiəçi polisə verdiyi ifadədə bildirib: “O, motosiklet sürürdü. Silahı başıma dirədi və mənə “o saatı ver” dedi”.

Qeyd edək ki, Koke hücum zamanı fiziki yara almayıb.