2012/2013 mövsümü üçün hazırlığını Türkiyənin Nevşehir bölgəsində davam etdirən "Sumqayıt" klubu bu gün növbəti yoxlama oyununa çıxıb.
Korner.az-ın klubun rəsmi saytına istinadən verdiyi məlumata görə, komandanın rəqibi növbəti mövsümdən Bank Asya 1-ci Liqasında mübarizə aparacaq "1461 Trabzon" klubu olub.
Görüşün taleyini bir qol həll edib. Bernhard Raabın komandası meydanı məğlubiyyətlə tərk edib – 0:1.
Qeyd edək ki, "Sumqayıt" klubu bundan əvvəl "Kayseri Eciyesspor" (2:2) və "Kayserispor" A2 (6:0) ilə yoxlama oyununda qüvvəsini sınamışdı.