Ukrayna millisinin baş məşqçisi Yojef Sabo ukraynalı futbolçuların Rusiya klublarına transfer olunmalarına etiraz edib.
Korner.az-ın məlumatına görə, o, bugünlərdə “Dnepr”i Rusiyanın “Kuban”klubun dəyişən Yevgeni Seleznyovla bağlı fikirlərini də deyib.
“Ukraynalı futbolçulardan xahiş edirəm, düşmənə xidmət etməyə getməyin, təkliflərdən imtina edin. Mənə Rusiyadan təklif gəlsə, yüz faiz rədd edərdim. Bu gün düşmənin xeyrinə çalışmaq doğru deyil. Seleznyov “Kuban”a keçdi. Yəqin ki, onun transferindəhəlledici amil pul oldu. Onu tənqid etmək istəməzdim, amma bu təklif mənə gəlsəydi, imtina edərdim. Başa düşürəm, Ukraynada işlər qaydasında getmir. Amma başqa ölkələrin klublarına keçmək Rusiyada işləməkdan daha yaxşıdır”, – deyə Sabo bildirib.
