İspaniyada "transfer pəncərəsi" açılar-açılmaz "Barselona" yeni oyunçularını sifariş edib.
Korner.az-ın məlumatına görə, Kataloniya təmsilçisinin müxtəlif yaş qrupu üzrə komandalarına ümumilikdə 77 yeni futbolçu əlavə edilib.
Əsas komandaya Arda Turan, Aleiş Vidal, "Barselona B"yə "Fluminense"dən alınan Robert Qonzales və "Osasuna"dan alınan Xokin Esketa sifariş olunub.
"Barsa"nın sifariş etdiyi futbolçular arasında bu komandanın sabiq hücumçusu Eydur Qudyonsenin oğlu – Daniel də var.
Xatırladaq ki, FIFA yetkinlik yaşına çatmamış futbolçuların transferində yol verdiyi qanun pozuntusuna görə Kataloniya klubuna yeni oyunçu almağı qadağan etmişdi.
