Qəbələ”nin futbolçusu Cavid Hüseynovun qohumları tərəfindən döyüldüyü iddia olunan jurnalist Rasim Əliyev hadisə haqda danışıb.
Korner.az-ın məlumatına görə, idmanxeber.com-a danışan zərərçəkən Cavid Hüseynovun qohumu tərəfindən döyüldüyünü ehtimal etdiyini deyir. Yəni, bu sadəcə ehtimaldı.
R.Əliyevi dinləyək: “Hazırda xəstəxanadayam. Hadisə isə belə oldu. Mən “facebook”da Cavidin hərəkətləri ilə bağlı status yazdım. Mənə bundan sonra zəng gəldi və bir nəfər özünü Cavidin bibisi oğlu kimi təqdim etdi. Məni söyməyə başladı. Daha sonra Cavid özü zəng elədi və normal danışdıq. Mənə izah elədi ki, videoda görsəndiyi kimi deyil. Normal danışdıq. Bundan sonra yenə həmin nömrə tərəfindən mənə zəng gəldi. Cavidiin qohumu olduğunu bildirən həmin adam Cavidlə danışdığımızı bildiyini və mənimlə görüşüb, üzrxahlıq etmək istədiyini bildirdi. Bundan sonra görüşdük. Həmin kəs mənə yaxınlaşan kimi yumruq atdı. Daha 1-2 nəfər də, məni vurmaqa başladılar. Mən də əmin deyiləm. Sadəcə məni vuran kəslər Cavidin qohumu olduqlarını dedilər. Bunu hüquq mühafiszə orqanları araşdıracaq”.
