“Real”ın aparıcı futbolçularından olan Pepe sıradan çıxıb. Təcrübəli müdafiəçi baldır əzələsindəki zədə səbəbi ilə bu gün tibbi müayinədən keçib.
Korner.az-ın məlumatına görə, İspaniyanın məşhur AS dərgisi xəbər verir ki, 31 yaşlı futbolçunun sol ayağının baldır əzələsində birinci dərəcəli yırtılma aşkarlanıb. Bu cür zədələrin bərpa prosesi ən azı 15 gün çəkir.
Pepenin mayın 24-də Çempionlar Liqasının finalında Madrid “Atletiko”su ilə keçiriləcək qarşılaşmada iştirakı sual altındadı.