Əfsanəvi futbolçu Alessandro Del Pyerro bu il iş yerini dəyişəcək.
Korner.az-ın məlumatına görə, Del Pyerro hal-hazırda çıxış etdiyi Avstraliyanın “Sidney” klubu ilə olan müqaviləsini uzatmayacaq.
2012-ci ildə “Sidney”ə transfer olunan ulduz futbolçunun müqaviləsinin müddəti cari mövsümün sonunda bitir.
Del Pyerronun karyerasına ABŞ və ya Yaponiyada davam edəcəyi gözlənilir. Futbolçu hazırkı klubunda cari mövsümdə 7 qol vurub.
Qeyd edək ki, italyan futbolçu 19 il İtaliya nəhəngi “Yuventus”da çıxış etmişdir. 1993-cü ildə “Yuventus”da ilk matçına çıxan Del Pyerro burada 700 oyuna çıxmış, 289 qol vurmuşdur.