Fatih Terim Türkiyə yığmasına seneqallı futbolçu çağıra bilər.
Korner.az-ın məlumatına görə, bu barədə “İmperator” özü açıqlama verib.
Ötən gün mətbuat konfransı keçirilən Terim jurnalistlərin suallarını cavablandırıb. Bu zaman o, “Akhisar Bələdiyyəspor”un formasını geyinən Omar Niassenin Türkiyə yığmasında oynamaq istəməsi ilə bağlı sualı da cavablandırıb: “Bir insan “mən ölkəni sevirəm, bu formanı geyinmək istəyirəm” deyirsə, mənim fikrimin önəmi yoxdu. Bəzi insanlar buna qarşı ola bilər. Rəqiblərimizdə də belə hallar olur. Onların heyətində başqa ölkədən olan futbolçular oynayır. Niasse “mən türkəm, Türkiyədə oynamaq istəyirəm” deyir. Bunu ciddi düşünməliyik. Mən yığmada əcnəbi futbolçuların oynamasına müsbət baxıram. FIFA normalarına uyğundusa və “türkəm” deyirsə, bu önəmlidi. Bizi seçməyənlərin ardınca qaçmaqdansa, yığmaya belələrini çağırmalıyıq”.
Qeyd edək ki, Omar Niasse “Qəbələ”də çıxış edən İbrahima Niassenin kiçik qardaşıdı. Seneqalın Dakar şəhərində doğulan Omar Niassedən 3 yaş kiçikdi.
“Akhisar Bələdiyyəspor” Omarı mövsümün əvvəlində Seneqalın “Us Ouakam” klubundan 100 min avroya transfer edib. O, Türkiyədəki 23 oyunda 13 qol vurub. Niasse əvvəllər Seneqalın U-21 və U-23 yığmalarında çıxış edib.
