Azərbaycan teleməkanında qısa zamanda populyarlıq qazanan “TOP TOP” verilişi növbəti buraxılışı ilə futbol həvəskarlarının görüşünə gəlib.
Korner.az-ın məlumatına görə, CHATBOX kanalında hər həftə canlı yayımlanan “TOP TOP”un bu sayı da Azərbaycan futbolunda baş verən ən maraqlı hadisələrə həsr olunub.
Proqramın bu dəfəki qonaqları Azərbaycan futbolunun canlı əfsanəsi Maşallah Əhmədov, “Qarabağ” klubunun mətbuat xidmətinin rəhbəri Nurlan İbrahimov, “Neftçi”nin mətbuat katibi Gündüz Abbaszadə və daimi ekspert Elnur Əşrəfoğlu olub. “TOP TOP”da Azərbaycan futbolunun hazırki durumu müzakirə edilib, Premyer Liqanın mərkəzi oyunu “Neftçi” – “Qarabağ” matçından ətraflı söhbət açılıb. Veriliş qonaqların qalmaqallı fikirləri ilə yadda qalıb. Maşallah Əhmədov “Neftçi”nin son uğursuzluğunu kimin ayağına yazdı? Nurlan İbrahimov və Gündüz Abbaszadə bir-birilərinin ünvanına hansı sərt açıqlamaları səsləndirdilər? AFFA prezidenti Rövnəq Abdullayevə kim müraciət etdi? Bu və digər sualların cavabını bimək istəyirsinizsə, “TOP TOP”un videoyazısını izləyin:
