“Real”ın (Madrid) əməkdar qolkiperi İker Kasilyas klub tarixinə keçib.
Korner.az-ın məlumatına görə, ispaniyalı qolkiper “Kral” klubunun “ən uzun müddət qol buraxmayan” qolkiperi adına sahib çıxıb. Belə ki, Madrid təmsilçisinin Kral Kubokunda qarşılaşdıqları “Espanyol” qarşısında da qol buraxmayan Kasilyas klub tarixində 682 dəqiqə qol buraxmayan ilk qapıçı oldu.
Yalnız Çempionlar Liqası və Kral kubokunda forma şansı əldə edən təcrübəli qolkiper rekordla bağlı fikirlərini ispaniyalı jurnalistlərlə bölüşüb:
“Xoşbəxtəm. Əgər bu rekordu qırmışamsa, demək ki, nəisə bacarmışıq. Turu qol buraxmadan keçdik, komandanın müdafiəsi mükəmməldi. Rəqibə fürsət vermirik. Müdafiədəki dostlarıma 10 xal vermək lazımdır“.
“Real”ın italiyalı baş məşqçisi də Kasilyasının bu uğuruna biganə qalmayıb:
“Yaşadıqları psixoliji təsirləri diqqətə alsaq, qazandığı uğur çox böyükdür. Buna layiq biri və əsla öz güvəncini itirmədi. Həmişə çox çalışqan bir futbolçudur“.
Qeyd edək ki, Kasilyasdan öncə “Real”ın “ən uzun müddət qol buraxmayan” qolkiperi 1994-1995-ci il mövsümündə 658 dəqiqə qol buraxmayan Buyo olub.
