DÇ-2014-ün oyunlarının keçiriləcəyi stadionda faciə

Braziliyanın Manause şəhərində «Amazoniya» stadionunda bədbəxt hadisə baş verib. 

Korner.az-ın «BBC»-yə istinadən məlumatına görə, futbol üzrə dünya çempionatı oyunlarının keçirilməsi üçün nəzərdə tutulan stadionun tikintisi zamanı 2 fəhlə damdan yıxılaraq, həlak olub.
 
Mənbə bildirib ki, «Amazoniya» stadionunda 4 oyun, o cümlədən İngiltərə ilə İtaliya yığmalarının görüşünün keçirilməsi planlaşdırılıb.