2022-ci ildə Qətərdə təşkil olunacaq dünya çempionatı üçün inşası planlaşdırılan "əl-Vakrah" stadionunun layihəsi ölkədə mübahisələrə səbəb olub.
Korner.az-ın məlumatına görə, ötən gün təqdimatı keçirilən arenanın üstdən görünüşünün vaginasını xatırlatması Qətərdə narazılıqla qarşılanıb.
Stadionun memarları isə iddiaları təkzib edərək, layihələndirmədə Qətərdə mirvari toplamaq üçün istifadə olunan və "dho" adı verilən gəminin formasından ilhamlandıqlarını bildirirlər.
Qeyd edək ki, 45 min azarkeş tutumuna malik olacaq arenanı "AECOM Technology Corporation" (Bakıdakı Heydər Əliyev Mərkəzinin də memarı olan Zaha Hədidin memarlıq bürosu dizayn işlərində məsləhətçidi) inşa edəcək.