AFFA bu klubları cərimələdi
17.09.2024 , 13:17
Bu gün AFFA İntizam Komitəsinin iclası keçirilib.
Korner.az xəbər verir ki, iclasda Misli Premyer Liqasının 6-cı turundakı qayda pozuntuları ilə bağlı qərarlar qəbul edilib.
Misli Premyer Liqasının 6-cı turunun “Araz-Naxçıvan” – “Kəpəz” oyunu bitdikdən sonra meydançaya kənar şəxs daxil olduğuna görə “Araz-Naxçıvan” klubu 800 manat cərimə edilib.
Misli Premyer Liqasının 6-cı turunun “Şamaxı” – “Sumqayıt” oyununda meydan sahiblərinin 4 futbolçusu sarı vərəqə aldığına görə “Şamaxı” 700 manat cərimə edilib.
Misli Premyer Liqasının 6-cı turunun “Şamaxı” – “Sumqayıt” oyununda qonaq komandanın futbolçuları isinmə hərəkətləri zamanı Əsasnamə qaydalarının tələblərini pozduğuna görə “Sumqayıt” 500 manat cərimə edilib.
