“Zirə” – “Osiyek” matçının biletləri satışa çıxarılır
12.08.2024 , 11:55
UEFA Konfrans Liqasının 3-cü təsnifat mərhələsində keçiriləcək “Zirə” – “Osiyek” (Xorvatiya) oyununun biletləri bu gün – 12 avqust saat 12:00-dan satışa çıxarılacaq.
Korner.az xəbər verir ki, biletlərin qiyməti sektorlara əsasən müvafiq olaraq 2, 5, 10, və 20 manat təşkil edir.
Biletləri “Zirə İdman Kompleksi”, “Dalğa Arena” və Tofiq Bəhramov adına Respublika stadionunun kassalarından almaq olar.
Qeyd edək ki, avqustun 15-i keçiriləcək “Zirə” – “Osiyek” görüşü saat 20:30-da başlayacaq.
