"Qarabağ" klubu Azərbycan kubokunun 1/4 finalının cavabı oyunu üçün bu gün məşqə başlayacaq.
Korner.az-ın klubun saytına istinadən yaydığı xəbərə görə, "Qəbələ"ni qəbul edəcək Ağdam təmsilçisi tək çalışmayla kifayətlənəcək. "Qarabağ" oyunun keçiriləcəyi mərkəzi arenada saat 17:00-da məşqə çıxacaq. Çempionat çərçivəsində baş tutan sonuncu oyunda komanda beş itkiylə mübarizə aparmışdı. Bu gündən bəzi futbolçular komandayla birgə məşqə çıxacaq. Ansi Aqollinin oynyacağı bəlliydisə, zədəli Riçard Almeyda artıq komandayla məşqlərdə iştirak edir. Eləcə də Kristian Torres və yeni transfer Emeka Opara da komanda ilə çalışmalarda iştirak edir. Sadəcə, Branimir Subaşiçin meydana çıxma ehtimalı yoxdur. Bir həftə öncə "Qəbələ"ylə baş tutan ilk görüşdə 1:1-lik nəticə qeydə alınmışdı. Qeyd edək ki, "Qarabağ" – "Qəbələ" görüşü, Martın 7-də, saat 16:00-da Tofiq Bəhramov adına Respublika Stadionunda keçiriləcək.
