.jpg)
Topaz Premyer Liqasının XXI turunun “Qəbələ” ilə səfər oyununda daha 1 futbolçu “Xəzər Lənkəran”da debüt edib. Matça 2-ci hissədə daxil olan Luçano Olgin ağ-yaşıl formada ilk oyununu keçirib.
Korner.az-ın klubun saytına istinadən yaydığı xəbərə görə, bu qarşılaşmayadək 158 futbolçu komandamızda oynamışdısa argentinalı bu siyahıda 159-cu olub.
Cari mövsüm debüt edənlərin sayı isə 15-ə çatıb. Olginə qədər Ruslan Abışov, Orxan Sadıqlı, Ağabala Ramazanov, Kamran Abdullazadə, Andre Roberto “Beto”, Vanderson Skarduell, Dimitrios Sialmas, Akif Tağıyev, Elnur Cəfərov, Antonio Doblas, Alvaro Silva, Marin Orsuliç, Uğur Pamuk və Gökhan Güleç “Xəzər Lənkəran” tarixində ilk matçına çıxmışdı.
Cənubi amerikalı "Xəzər Lənkəran"ın tarixində 98-ci legionerdir. Digər 61 oyunçu isə Azərbaycan futbolunun yetirmələridir. Milliləşənlər də nəzərə alınmaqla 98-ə çatan legionerlər ümumilikdə 34 ölkəni təmsil edir. Luçano “Xəzər Lənkəran”ın tarixində 2-ci argentinalıdır. Ona qədər komandada bu ölkəni Dieqo Ruiz təmsil edib. 2010/11 mövsümündə ağ-yaşıl forma geyən cənubi amerikalı Premyer Liqada 8 matça 2 qol vurub. 498 dəqiqə meydanda olan hücumçu 2 sarı vərəqə də alıb. O, qollarını “Simurq”la və “Neftçi” ilə görüşlərdə vurub.
Komandada Argentinadan başqa daha 33 ölkədən futbolçu çıxış edib: Rumıniya – 18, Braziliya – 12, Türkiyə – 10, Serbiya – 7, Belarus – 5, Bolqarıstan, Portuqaliya – hərəsi 4, İspaniya – 3, Albaniya, Argentina, Gürcüstan, Kolumbiya, Litva, Rusiya, Kosta-Rika, Mali, Xorvatiya – hərəsi 2, Çexiya, Estoniya, Fransa, Honduras, İsveç, Kot d’ivuar, Moldova, Nigeriya, Qana, Slovakiya, Latviya, Syerra-Leone, Qvineya, Ukrayna, Sloveniya, Yunanıstan, Almaniya – hərəsi 1.
