AFFA “Qarabağ”ı azarkeşlərinə, “Xəzər Lənkəran”ı isə futbolçusuna görə cəzalandırdı

AFFA intizam komitəsinin növbəti iclası keçirilib.

Korner.az–ın məlumatına görə,  XXI Topaz Premyer Liqasının XX turunun “Qarabağ” – “Sumqayıt” matçının 32-ci dəqiqələrində “Qarabağ” klubunun azarkeşləri tərəfindən pirotexniki vasitələr istifadə olunduğuna görə klub 1000 manat cərimə olunub.

 “İnter” – “Qəbələ” matçında hər iki klubun 4 futbolçusu sarı vərəqə ilə cəzalandığı üçün klublar 1000 manat cərimə olunub.

 XXI Topaz Premyer Liqasında çıxış edən klubların əvəzedici heyətlərinin XX turunun “Xəzər Lənkəran” – “Turan” oyunun 78-ci dəqiqəsində “Xəzər Lənkəran” klubunun 19 №-li futbolçusu Fuad İsmayılzadə kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 1000 manat cərimə olunub.