"İnter" Antalyadakı toplanış çərçivəsində məşqlərini davam etdirir. Məşqöncəsi klub prezidenti Georgi Nikolov komanda üzvlərilə görüşüb, məşq prosesi barədə maraqlanıb və hamıya uğurlar arzulayıb.
Korner.az-ın məlumatına görə, baş məşqçi Kaxaber Sxadadze hazırlıq prosesi barədə qısa məlumat verib və yaradılmış şəraitdən razılığını bildirib. Görüşdə komandanın direktoru Natiq Məmmədov da iştirak edib.
Sonra “İnter” məşqlərə başlayıb. Səhər məşqində fiziki hərəkətləri yerinə yetirən futbolçular sonradan kiçik qapılara dəqiq zərbələr endiriblər. Komanda üzvləri axşam məşqində isinmə hərəkətlərini yerinə yetirməklə yanaşı, taktiki məşğələlər üzərində də çalışıblar.
Qeyd edək ki, "İnter" bu gün bir dəfə məşq edəcək.
