Bandoviç və legionerlər “Bakı”nı tərk etdi

Türkiyə təlim-məşq toplanışını başa vuraraq vətənə qayıdan “Bakı” fevralın 1-də hazırlığını bərpa edəcək.

Korner.az-ın məlumatına görə, Antalyada 2 həftəlik hazırlıq prosesində olan komandaya 3 günlük istirahət verilib.

Komandanın baş məşqçisi Bojidar Bandoviç və bir neçə əcnəbi futbolçu bundan istifadə edərək ölkələrinə gediblər.

Paytaxt təmsilçisi qış fasiləsinin son hazırlıq mərhələsində 1 yoxlama oyunu keçirməyi planlaşdırır ki, bunun da fevralın 3-də olacağı istisna deyil.