"Komandanın əsas oyunçularının meydanda olduğu birinci hissədə yaxşı oynadıq. İkinci hissə haqda isə heç nə demək istəmirəm".
Korner.az-ın məlumatına görə, bu sözləri qolsuz bərabərliklə bitən "Bakı" – "Osiyek" matçından sonra "zolaqlılar"ın çalışdırıcısı Bojidar Bandoviç deyib.
Bandoviç ötən ilin yayından bəri meydanlardan kənarda qalan Kamran Ağayevin oyununu müsbət qiymətləndirib: "Uzun müddət forma geyinməməsinə baxmayaraq, bu gün yaxşı oynadı".
Serb çalışdırıcı baxışa kütləvi şəkildə futbolçu gətirmələrinə qısa cavab verib: "Bizim başqa şansımız yox idi".
Üç mövqeyə ehtiyac duyduqlarını deyən Bandoviç baxışda olanlarla bağlı son qərarın klub rəhbərliyiylə görüşdən sonra veriləcəyini söyləyib.
Saleh Arslan
Antalya
