“Sumqayıt”ın mətbuat xidmətinin rəhbəri Rəşad Məmmədov bir neçə gündü Türkiyənin Trabzon şəhərində səfərdədi.
Korner.az-ın məlumatına görə, səfərin məqsədi “Trabzonspor”da media işi ilə bağlı təcrübə toplamaqdı.
“Trabzonspor”un bazası olan Mehmet Ali Yılmaz təssislərində yerləşən klubun media ofisində olan Məmmədov “bordo-mavililər”in rəsmi jurnalının baş kordinatoru Serdal Şahin, komandanın media nümayəndələri Alaatin Kazancı və Nuri Bekarla görüşərək onların iş sistemi ilə tanış olub. “Sumqayıt”ın nümayəndəsi “Avni Aker” stadionunda Türkiyə kuboku çərçivəsində keçirilmiş “Trabzonspor” – “Mersin İdman Yurdu” oyununu da canlı izləyib.
Qeyd edək ki, Rəşad Məmmədov bir müddət əvvəl təcrübə keçmək üçün “Fənərbaxça” və “Beşiktaş”ın da media nümayəndələri ilə görüşmüşdü.
Onu da qeyd edək ki, hazırda “Sumqayıt”n iki üzvü – Ruslan Nəsirli və Şamil Cəmaləddinov “Trabzonspor”un A2 komandasında baxışdan keçir.
