"Rəvan” qış fasiləsində dördüncü transferini gerçəkləşdirib.
Korner.az-ın klubun saytına istinadən yaydığı xəbərə görə, üç yerli futbolçu – Emin Mustafayev, Ramil Həşimzadə və Nodar Məmmədovla anlaşdıqdan sonra qış "transfer pəncərəsi”ndə ilk legioner transferini rəsmiləşdirib.
"Qaradağ Lökbatan”la oyunda özünü ən yaxşı tərəfdən göstərən serbiyalı Miloş Adamoviçlə transferin bütün detalları razılaşdırılıb. Dayaq yarımmüdafiəçisi mövqeyində çıxış edən OFK-nın yetirməsi ilə 1.5 illik müqavilə imzalanıb.
Qeyd edək ki, son klubu Qazaxıstan "Sunkar”ı olan Adamoviç karyerasında həmçinin Serbiyada "Palilulats”, Vranye "Dinamo”su, Moldovada "Şerif”, Polşada "Poloniya” və Qazaxıstanda "Taraz”ın da şərəfini qoruyub. O, iki il öncə Miloşun "Şerif”in heyətində Avropa Liqasının qrup mərhələsində oynayıb.
