Topaz Premyer Liqasının ikinci mərhələsinə hazırlaşan "Sumqayıt" Futbol Klubu məşqlərini davam etdirir. A
Korner.az-ın məlumatına görə, bu gün “Bayıl Arena”da məşqə çıxan komandanın heyətində zədəli futbolçu yer almır.
Belə ki, zədələrini sağaltmış Pərdis Fərcad-Azad, Murad Doymuş, Murad Ağayev və Sabir Allahquliyev komanda ilə məşqlərə başlayıb. Bernhard Raabın komandası günün ikinci məşqini isə trenajor zalında keçirib.
"Sumqayıt" hazırlıq mərhələsi çərçivəsində yanvarın 26-da növbəti yoxlama oyununa çıxacaq. Komanda "Rəvan"ı sınağa çəkəcək. Qarşılaşma saat 16:00-da başlayacaq.
