“Qarabağ”da koronavirus şoku
05.12.2020 , 13:36
“Qarabağ”Avropa Liqasının qrup mərhələsində “Makkabi” ilə matçdan geri döndükdən sonra Peşəkar Futbol Liqasının tələblərinə əsasən Premyer Liqanın XII turunda qarşılaşacağı “Qəbələ” ilə matçın hazırlıqları çərçivəsində növbəti dəfə koronavirus testindən keçib.
Korner.az xəbər verir ki, testin nəticələrinə görə futbolçular – Qara Qarayev, Emil Balayev, İsmayıl İbrahimli, Toral Bayramov və Kevin Medinada koronavirus aşkarlanıb. Bu barədə Ağdam klubu rəsmi feysbuk səhifəsində məlumat yayıb.
Daha öncə isə testin nəticəsi pozitiv olan daha iki futbolçu Mahir Emreli və Abbas Hüseynov da müalicələrini davam etdirir.
Milli komandanın heyətində Lüksemburqda koronavirusa yoluxmuş Maksim Medvedev müalicəsini tamamlayaraq Bakıya qayıdıb.
