Elxan Məmmədov qanvermə aksiyasında iştirak etdi
21.05.2020 , 16:29
Bu gün AFFA-nın təşəbbüsü və Azərbaycan Talassemiya Federasiyasının birgə təşkilatçılığı ilə qanvermə aksiyası keçirilib.
Korner.az qurumun saytına istinadən xəbər verir ki, AFFA-nın Futbol akademiyasında təşkil olunmuş aksiyada AFFA-nın, Peşəkar Futbol Liqasının, Premyer Liqa klublarının, futbol ictimaiyyətinin nümayəndələri iştirak edib.
“Biz birlikdə güclüyük” devizi altında keçirilən qanvermə aksiyasının təşkilində əsas məqsəd koronavirus pandemiyası dövründə talassemiyalı xəstələrin qan çatışmazlığı ilə üzləşməməsi və cəmiyyətin diqqətinin onlara yönəldilməsidir.
