“Qarabağ” “Neftçi”nin rekordunu təkrarladı
17.12.2019 , 17:07
Ağdamın “Qarabağ” klubu Azərbaycan kubokunda 90-cı qələbəsini qazanıb. Bu yubiley 2019/20 mövsümünün 1/4 final mərhələsinin ilk oyununa təsadüf edib.
Korner.az xəbər verir ki, Qurban Qurbanovun yetirmələri ev matçında “Keşlə”ni 1:0 hesabı ilə yenib. 1993-cü ildən kubokda mübarizə aparan ağdamlılar 90-cı qələbəni 143-cü görüşündə əldə edib. Bu qələbələrdən 55-i evdə, 29-u səfərdə, 6-sı neytral meydanda qazanılıb.
“Qarabağ” Azərbaycan kubokunda ən çox qələbə qazanan komanda adına şərik olub. Əyalət klubuna qədər “Neftçi” hamıdan çox – 90 dəfə kubok matçında qalib gəlib. Lakin bakılılar daha çox – 158 oyunda buna nail olublar.
