"Barselona"nın argentinalı ulduzu Lionel Messi Madrid "Real"ının formasını geyinən və ona ən böyük rəqib kimi göstərilən Kriştiano Ronaldo haqda danışıb.
Korner.az "Frans Futbol"a istinadən xəbər verir ki, Messi portuqal rəqibinin onu maraqlandırmadığını deyib.
"Ronaldonun nə etdiyi və nə düşündüyü məni maraqlandırmır. Həqiqi sözümdü, mənimçün fərqi yoxdu. O, istədiyini edə bilər. Jurnalistlər bizi hər fürsətdə müqayisə edirlər. Onlar istəyirlər ki, biz hər şeydə rəqabət aparaq. Mən bundan yorulmuşam artıq", – deyə Leo bildirib.
