.jpeg)
Bakı "İnter"inin prezidenti Georgi Nikolov Azərbaycan millisinin Rusiyaya qarşı keçirdiyi son oyunla bağlı bloq yazıb.
Korner.az-ın məlumatına görə, "bankirlər"in rəhbəri Berti Foqtsa maraqlı təklif irəli sürüb. Belə ki, Nikolov alman mütəxəssisə millimizin Lüksemburqla oyunda meydana "İnter"i çıxartmasını təklif edib:
"Rusiya – Azərbaycan qarşıdurmasının ilk dəqiqələrində buna inanmaq istəyirdik. İlk 10 dəqiqədə entuziazmın qanadlarında 4 künc zərbəsi yerinə yetirdilər, Akinfeyevi əməli-başlı həyacanlandırdılar. Bununla da uçuş yekunlaşdı. Təəssüf ki, 15 dəqiqə sonra hər şey əvvəlki matçları xatırlatdı, "raketin" gücdən düşdüyü hiss olundu. Sonrakı dəqiqələrdə bizə Rusiyanın istəyinə nə vaxt çatacağını gözləmək qalırdı.
Telekanalın şərhçisi "Rusiya ona lazım olan hesabla qalib gəldi" söyləməkdə haqlı idi. Makedoniyalı İsgəndərin qohumunun qərarında haqlı olub-olmadığını müzakirə etmək yersizdi.
Bizimkilərin oyunu alınmadı. Hər Foqtsun oyunsonrası mətbuat konfransında eyhamla "meydan sahibləri fiziki cəhətdən daha hazırlıqlı və güclü idi" deməsi isə yüngül nigarançılıqla qarşılansa, yaxşıdı. Yeri gəlmişkən, millinin fiziki hazırlığının pis olmasına görə yenə klublar günahkar sayılacaqsa, mən bir qədər qeyri-adi sınaq təklif edirəm. Qoy Foqts Lüksemburqa qarşı meydana "İnter"i çıxarsın. Onda kimin hansı durumda olduğu üzə çıxacaq.
Fikrimi, məni çox təəccübləndirən marketinq addımı ilə yekunlaşdırıram. Dünya iqtisadiyyatının nəhəngləri sayılan "Folsvaqen", "Soni" və başqalarının yanında "BEERka" və "Babkinı semeçki"nin reklam löhvələri parlayırdı? Futbolun bu kənd təsərüfatı mallarıyla nə dərəcədə bağlı olduğunu bilmirəm. Amma təmizlik xidməti stadionlarda belə məhsullara qətiyyən hömət bəsləmir".
