Futbol üzrə Almaniya Milli komandasının baş məşqçisi Yoahim Löv “dünya çempionatında komandaların sayının artırılması” təklifinə münasibət bildirib.
Korner.az-ın məlumatına görə, təcrübəli məşqçi FİFA-nın bu təklifini bəyənmədiyini bildirib.
Yoahim Löv öz açıqlamasında qeyd edib: “ Günümüzdə futbol çox önəmli, keyfiyyətli bir idman növüdür. Bu keyfiyyət itməməlidir. FİFA və UEFA bu təzə qaydanı idman və ticərət nöqteyi-nəzərdən yenidən gözdən keçirməlidir. Hər iki federasiya futbolda tarazlığı təmin etmək üçün qərarlar qəbul etməlidir. Futbolçuların məğlubiyyətə ehtiyacı var. Əvvəllər futbolçular 35 yaşına qədər oynaya bilirdi. Son zamanlar isə futbolçular daha erkən yaşda karyeralarını sonlandırırlar.Bu il baş tutan Avropa Çempionatında komandaların sayı 16-dan 24-ə yüksəlmişdi. İndi isə dünya çempionatında komandaların sayını 32-dən 48-ə yüksəltmək istəyirlər. Mənim fikrimcə, 48 komandanın olması düzgün deyil”.
